وزیرِ اعلیٰ پنجاب مریم نواز شریف کے ویژن کے تحت اے سی چکوال ذیشان شریف قیصرانی کی زیرِ نگرانی ستھرا پنجاب پروگرام کے ورکرز میں ماسک کی تقسیم
وزیرِ اعلیٰ پنجاب مریم نواز شریف کے ویژن کے تحت اے سی چکوال ذیشان شریف قیصرانی کی زیرِ نگرانی ستھرا پنجاب پروگرام کے ورکرز میں ماسک کی تقسیم
🌐 www.urduturn.com
📲 Follow the Urdu Turn channel on WhatsApp

چکوال (راجہ تنویر حیدر)

وزیرِ اعلیٰ پنجاب مریم نواز شریف کے ویژن اور ڈپٹی کمشنر چکوال سارہ حیات کی ہدایات پر عمل درآمد کرتے ہوئے اسسٹنٹ کمشنر چکوال ذیشان شریف قیصرانی کی زیرِ نگرانی ستھرا پنجاب پروگرام اور راولپنڈی ویسٹ مینجمنٹ کمپنی (RWMC) کے فرنٹ لائن ورکرز میں ماسک تقسیم کیے گئے۔

تقریب اے سی آفس چکوال میں منعقد ہوئی جس میں نائب تحصیلدار راجہ آفتاب، آر ڈبلیو ایم سی کے اسسٹنٹ مینیجر ندیم اشفاق، سپروائزر عرفان گل اور محمد ازور عباس کے علاوہ سینی ٹیشن سٹاف کی بڑی تعداد موجود تھی۔

اس موقع پر اے سی چکوال ذیشان شریف قیصرانی نے کہا کہ ستھرا پنجاب کے ورکرز شہر کی صفائی ستھرائی میں بنیادی کردار ادا کر رہے ہیں یہی ہمارے اصل فرنٹ لائن ہیروز ہیں۔ انہوں نے زور دیتے ہوئے کہا کہ دورانِ ڈیوٹی ماسک کا استعمال ہر حال میں لازم ہے تاکہ سموگ کے مضر اثرات سے بچاؤ ممکن ہو سکے۔

انہوں نے مزید کہا کہ کسی بھی جگہ پر کوڑا کرکٹ جلانے سے گریز کیا جائے کیونکہ یہ سموگ کے پھیلاؤ کی بڑی وجہ بنتی ہے۔ اے سی چکوال نے امید ظاہر کی کہ آر ڈبلیو ایم سی کا عملہ ڈپٹی کمشنر سارہ حیات کی قیادت میں وزیرِ اعلیٰ پنجاب کے صاف و شفاف اور صحت مند پنجاب کے ویژن کو عملی شکل دینے میں بھرپور کردار ادا کرے گا۔

Leave a Reply

Your email address will not be published. Required fields are marked *