اسلام آباد: 17 سالہ ٹک ٹاکر کے قتل میں ملوث نوجوان فیصل آباد سے گرفتار
اسلام آباد پولیس نے انکشاف کیا ہے کہ ایک 17 سالہ سوشل میڈیا پر سرگرم نوجوان لڑکی کے قتل میں ملوث مرکزی ملزم عمر حیات عرف “کاکا” کو فیصل آباد سے گرفتار کر لیا گیا ہے۔
پولیس کے مطابق، ملزم مقتولہ کا قریبی جاننے والا تھا، جو قتل کے بعد فرار ہو کر فیصل آباد میں روپوش ہو گیا تھا۔
تفتیشی افسران نے بتایا کہ دونوں کے درمیان قتل سے پہلے فون پر متعدد بار رابطہ ہوا، جس کے شواہد کال ڈیٹا ریکارڈ (سی ڈی آر) سے حاصل کیے گئے۔
ذرائع کے مطابق، مقتولہ ایک معروف سوشل میڈیا گروپ سے وابستہ تھی جہاں سے اس کی دوستی عمر حیات سے ہوئی۔ واقعے کے بعد پولیس نے سیف سٹی کیمروں سے حاصل کردہ ویڈیوز، فون لوکیشن، اور دیگر ڈیجیٹل شواہد کی مدد سے ملزم کا سراغ لگایا۔
آخرکار جدید ٹیکنالوجی اور ٹیم ورک کی مدد سے ملزم کو فیصل آباد سے گرفتار کر کے اسلام آباد منتقل کر دیا گیا ہے۔
ماشااللہ بہت زبردست کام کیا ھے اسلام آباد پولیس والوں نے اللہ اپنی حفظو امان میں رکھے آمین یا رب العلمین اور ھمیشہ سے اللہ کی مدد شامل حال ھو آمین یا رب العلمین