چکوال میں غیر قانونی تعمیرات کے خلاف بڑا آپریشن ، بغیر نقشہ عمارتوں پر بلدیہ کی جانب سے سخت کارروائی کا آغاز

چکوال (راجہ تنویر حیدر): ایڈمنسٹریٹر بلدیہ بلال بن عبدالحفیظ کی خصوصی ہدایت پر شہر بھر میں غیر قانونی تعمیرات اور بغیر نقشہ جات کے تعمیر شدہ عمارتوں کے خلاف بڑے پیمانے پر کارروائی کا آغاز کر دیا گیا ہے۔

ذرائع کے مطابق ابتدائی مرحلے میں ان عمارتوں کو نشانہ بنایا جا رہا ہے جنہیں بلدیہ کی جانب سے بارہا نوٹسز جاری کیے گئے تھے مگر مالکان کی طرف سے کوئی تسلی بخش جواب موصول نہیں ہوا۔

بلدیہ چکوال کے عملے نے تلہ گنگ روڈ پر متعدد کارروائیاں کرتے ہوئے غیر قانونی تعمیرات کو سیل کر دیا گیا، جبکہ شہریوں کو ہدایت کی گئی ہے کہ وہ تعمیرات سے قبل بلدیہ سے نقشہ جات کی باقاعدہ منظوری حاصل کریں۔

انتظامیہ کا کہنا ہے کہ آئندہ دنوں میں یہ آپریشن مزید شدت کے ساتھ جاری رکھا جائے گا اور قانون کی خلاف ورزی کرنے والوں کے خلاف سخت قانونی کارروائی عمل میں لائی جائے گی۔